असोज २९, निरज पुर्कुटी
बूढानीलकण्ठ नगरपालिका वडा नं-५ ले वडा प्रोफाईल २०७७ नामक पुस्तक सार्वजनिक गरेको छ। वडा नं-५ ले आफ्नो कार्यालयमा एक विमोचन कार्यक्रम गरी पुस्तकको सार्वजनिक गरेको हो । प्रमुख अतिथीको रुपमा उपस्थित हुनुभएका बागमती प्रदेश शभा सदस्य माननीय दिपक निरौलाले विमोचन कार्यक्रमलाई पानसमा बत्ती बालेर उद्वघाटन गरेका थिए । उक्त पुस्तकलाई बागमती प्रदेश शभा सदस्य माननीय दिपक निरौला, बू.न.पा प्रमुख उद्वव प्रसाद खरेल, बू.न.पा उप प्रमुख रमादेवी राई, बूढानीलकण्ठ स्कुलका प्राचार्य होमनाथ आचार्य र बू.न.पा -५ का वडाध्यक्ष विजय तामाङ् ले संयुक्त रुपमा विमोचन गरेका थिए।
१२४ पृष्ठ रहेको पुस्तकमा वडा कार्यालयले आफ्नो वडा को परिचय साथै वडाले गरेका कार्य , वडामा रहेका चुनौती ,वडा भित्र रहेका धार्मिक,सांस्कृतिक तथा पर्यटकिय सम्पदाहरुको विवरण, वडाको भौगोलिक बनावट, विभिन्न जातजाती , जनसंख्या ,वडाको प्रगती विवरण वडा भित्रको सम्पूर्ण सुचना ,वडा अन्तर्गत रहेको सार्वजनिक सरकारी निजी संघ संस्था युवा कल्वको जानकारी ,विधालय ,वडा कर्मचारी र जन प्रतिनिधिको फोन नं सहितको विवरण,आगामी कार्ययोजना,वडा कार्यालय बाट प्रदान गर्ने सेवा, वडा स्तरिय तथ्याकं विवरण , वडामा विनियोजित बजेट, महत्वपुर्ण कुरा कोरोना भाइरस रोकथाम र नियन्त्रण को लागी वडाले चालेको कदम र कार्य सम्पादन गरिसकेका तस्विरहरु समावेश गरिएको छ।
विमोचन कार्यक्रममा प्रमुख अतिथी, विशिष्ट अतिथि विशेष अतिथी वडा का जनप्रतिनिधी विभिन्न राजनितीक पार्टि समाजसेवी सवैले नजिकिदै गरेको विजया दशमी तिहार नेपाल सम्वत र छठ पर्वको शुभकामना दिनुका साथै वडा भित्रको विकाश र योजना निर्माणमा यो पुस्तक सहयोगी हुने समेत बताए यस पुस्तकले वडामा हुने गतिविधीलाई प्रस्ट पार्ने हुनाले आगामी दिनमा अन्य वडाहरुले पनी आफ्नो वडाको प्रोफाईल समेटी पुस्तक निकाल्नुपर्ने बताए। कार्यक्रममा बूढानीलकण्ठ स्कुलका प्राचार्य होमनाथ आचार्य ले पुस्तकको समिक्षा गरेका थिए यो अत्यन्तै राम्रो कार्य हो यस पुस्तकमा वडा मा हुने गतिविधीको साथै आफ्नो वडामा रहेके सवै विवरणहरु समावेश गरिएको वताएका थिए।
उनले व्याकरणिय त्रुटी थोरै मात्रामा रहेको र अन्य सवै राम्रो रहेको बताए। कार्यक्रमलाई बू.न.पा-५ का वडा सचिव रेशम महतराले सन्चालन गरेका थिए। वडा सचिव रेशम महतराले विमोचन गरिएको पुस्तकमा हुने कमिकमजोरी को रचनात्मक सल्लाह र सुझावको अपेक्षा रहेको बताए। कार्यक्रममा बागमती प्रदेश शभा सदस्य माननीय दिपक निरौला ,बू.न.पा प्रमुख उद्वव प्रसाद खरेल, बू.न.पा उप प्रमुख रमादेवी राई र बू.न.पा -५ का वडाध्यक्ष विजय तामाङ् ,बू.न.पा -७ का वडाध्यक्ष बस नारायण महर्जन, विभिन्न विधालयका प्रतिनिधी, राजनैतिक पार्टीका प्रतिनिधी, समाजसेवी ,कल्वका सदस्य हरु , सुरक्षाकर्मी ,स्वयमसेविका लगायत अन्य को उपस्तिथी रहेको थियो।
