पारु तिवारी,काठमाण्डौ / सामबेद अन्लाईन मिडिया प्रालिले फेरी अर्को मौलिक लोक दोहोरी गीत भर्खरै बजारमा ल्याएको छ । उक्त गीत दिनेश श्रेष्ठ र निर्मला लामाको संयुक्त प्रस्तुतिमा “डोरी गासेको,आउछ झझल्को तिम्ले हासेको ” बोलको रहेको छ । प्रस्तुत गीतलाई युट्युबमा सार्बजनिक गरिएको छोटो समयमा नै अशंख्य श्रोता तथा दर्शकहरुले आफ्नो उच्च रोजाईमा पारिसकेका छन् । गीत टिकटकमा समेत भाइरल बनेको छ ।
दिनेश श्रेष्ठ र निर्मला लामाको सुमधुर स्वरबाट सजिएको यस गीतलाई शब्द उनै प्रतिभाका खानि सानु केसी ले भरेका हुन् । नुवाकोटमा जन्मिएर काठमाण्डौ लाई आफ्नो कर्मथलो बनाईरहेका एकपछि अर्को गर्दै निकै उत्कृष्ट गीत हरु बजारमा ल्याईरहेका गायक तथा सर्जक दिनेश श्रेष्ठ , पछिल्लो समयमा बजारमा आएका केहि गीतहरुबाट समाजमा बिकृति फैलाई रहेकोले हुनाले यस्ता विकृतिजन्य गीतहरुलाई निरुत्साहित गर्नका निमित्त बिभिन्न मिडिया मार्फत आफ्नो आवाज बुलन्द गरिरहने एक निडर बक्ता पनि हुन् । उनि द्वारा सृजित थुप्रै गीतहरु बजारमा आइसकेका छन् ।
“डोरी गासेको,आउछ झझल्को तिम्ले हासेको” बोलको गीतलाई गोबिन्द घोरासैनिले लय भरेका हुन्। यस गीतको म्युजिक भिडियोमा अनु पराजुली,राजकुमार महर्जन र रुष्मा सापकोटाको उत्कृष्ट अभिनय रहेको छ। प्रविन थापाको निर्देशन रहेको “डोरी गासेको,आउछ झझल्को तिम्ले हासेको” बोलको गीतको म्युजिक भिडियोलाई छायांकन बिरेन्द्र भट्ट र सम्पादन शक्ति प्रज्वल घिमिरेले गरेका हुन् ।
भिडियो हेर्न तल क्लिक गर्नु होला ।
