अर्घाखाँची जिल्लाको शितगंगा नगरपालिका १४ सिमालपानीमा बुधबार भएको बस दुर्घटनामा १२ जना घाइते भएका छन्। कपिलबस्तु शितगंगा नगरपालिका १३ को छेडाबाट कपिलवस्तुको लागी लु १ ख ७८१४ नम्बरको बस शितगंगा १४ को छान्ट्यालरुखमा दुर्घटना भएको हो।
जिल्ला प्रहरी कार्यालय, अर्घाखाँचीका अनुसार दुर्घटनामा चालकसहित १२ जना घाइते भएका छन्। घाइतेहरुलाई कपिलवस्तुको बरिया अस्पताल र तीनजनालाई लुम्बिनी प्रान्तीय अस्पतालमा उपचारका लागि लगिएको जिल्ला प्रहरी कार्यालय अर्घाखाँचीका प्रहरी उपरीक्षक माधव बुढाथोकीले बताउनुभयो।
