भारतको उत्तरी राज्यमा एक महिलालाई फाँसीको सजाय सुनाइएको छ ।
भारतीय सञ्चारमाध्यमका अनुसार, रामपुरको जेलमा कैद शबनम लाई फाँसीको सजाय सुनाइएको हो । उनलाई मथुरा जेलमा फाँसी दिनको लागी तयारी भैरहेको छ । मथुरा एक मात्र यस्तो जेल हो जहाँ महिलालाई फाँसी दिइन्छ । फाँसी दिने खबरले मथुरा जेलको बाहिरा चहलपहल बढि रहेको छ ।
अजाद हिन्दुस्तान पछि पहिलो पटक महिलालाई फाँसीको सजाय दिइदैछ । मथुरामा सन् १८७० मा यो फाँसी घर बनाइएको थियो । यसको पुरा एरिया करिब ४०० बर्गमिटरको छ । सन् १९४७ पछि कुनै महिलालाई फाँसी दिइएको थिइएन ।
यो फाँसी घर त्यतिबेलै बनाइएको थियो जति बेला अंग्रेजहरुले जेल बनाएका थिए । यो जेल बन्ने बेला नै फाँसी घर तयार गरिएको थियो । यस जेलमा महिलालाई मात्र फाँसी दिइन्छ । यदि पुरुष कैदीलाई फाँसीको सजाय दिनु परेमा अन्य जेलमा लगिन्छ । मथुरामा कैयो बर्ष देखि यहाँ कसैलाई फाँसी नदिइएको कारण यो फाँसीघर एकदमै जिण अवस्थामा रहेको छ ।
यस भन्दा २३ बर्ष पहिला अप्रेल १९९८ मा पनि रामची नाम गरेकीे एक महिलालाई फाँसीको सजाय सुनाइएको थियो तर त्यतिबेलाको भारतको राष्ट्रपतिले त्यी महिलाको दया, याचनालाई बिचार गरेर फाँसीको सजायलाई उमेरकैद सजायमा परिबर्तन गरिएको थियो ।
कुनै अपराध यस्तो हुन्छ कि जसलाई माफि नै दिन नसकिने खालको हुन्छ । त्यस्तै शबनमको पनि छ । एक प्रेमीको प्यारमा आफ्नो आमाबाबुलाई सबनमले बन्चरोले हानेर मारिन् । ११ महिनाको भतिजालाई घाँटी च्यापेर मारिन् । साथै आफ्नो पुरै परिवारलाई मारिदिइन् ।
भारतीय सञ्चारमाध्यमका अनुसार, १४ अप्रैल २००८ मा अमरोहाको बावनखेडी को राती सबै परिवार खाना खाएर सुते तर उनिहरु कहिल्यै उठेनन् । त्यो रात तिनीहरुको अन्तिम रात थियो । त्यो रात त्यस परिवारको एक्ली छोरी सबनमले खानामा बिष हालिदिएकी थिइन् । बिषको कारणले पुरै परिवार बेहोस भैसकेका थिए र आधि रात सबनमले आफ्नो प्रेमी सलीमलाई बोलाएर दुबै जान मिलेर परिवारको ७ जनालाई बन्चरोले हानेर हत्या गरिदिएका थिए । यसमा सबनमको आमा–बुवा, दाई–भाउजु र फुपुकी छोरी पनि थिइन् । सबनमले सलिमसँग मिलेन आफ्नो ११ महिनाको भतिजालाई समेत मारिन् । सबनम यति सम्म अपराधी भइन् कि आफ्नो ११ महिनाको भतिजालाई मार्दा समेत कुनै दया आएन ।
सबनम दुई बिषयमा एम.ए. गरेकी थिइन् तर उनको प्रेम भने ८ कक्षा पास सलीमसँग भएको थियो । सबनम प्राइमरी स्कुलको शिक्षिक थिइन् । त्यहीबेला सलिमसँग प्यार भयो र त्यसैबेला सबनम गर्भवती भइन् । सबनमले सलिमसँग बिबाह गरिदिनको लागि आफ्नो बुवासँग भनिन् तर उनको बुवाले अस्वीकार गरेपछि पुरै सम्पत्ति लिनको लागि सलिमसँग मिलेर हत्या गर्ने योजना बनाएकी थिइन् ।
पुरै घटना प्रदाफास भएपछि दुबैजान जेल चलान भए र त्यहि बर्ष सबनमले आफ्नो छोरालाई जन्म दिइन् । उनको छोरालाई भने एक पत्रकारले आफ्नो छोराको जस्तै पालिरहेका छन् । अदालतले सबनम र सलिम दुबैलाई फाँसीको सजाय सुनायो ।
राष्ट्रपतिबाट सबनमको यचिका खारिज भएपछि उनको फाँसीको सजाय हुने कुरा निश्चित भएको हो । शबनमको फाँसीको मिति भने तोकिएको छैन । राष्ट्रपति भबनबाट फाँसीको सजायको मिति जति बेला पनि आउन सक्छ । तर फाँसी घरको तयारी भने चलिरहेको छ । अब मिति मात्र तोकिन बाँकी रहेको छ ।
