१८ चैत,
एजेन्सी । अमेरिकाका पूर्व राष्ट्रपति बाराक ओबामाकी हजुरआमाको मृत्यु भएको छ । उनी केन्यामा बस्दै आएकी थिइन् । ओबामाले लामो मार्मिक चिट्ठी लेख्दै हजुआमाका बारेमा बताएका छन् । उनले लेखेका छन्, मेरो परिवार र म हाम्रो प्यारी हजुरआमा सारा ओगवेल ओन्यांगो ओबामाको मृत्युको शोकमा छौं ।
उनीलाई धेरैले मायापूर्वक ‘मामा सारा’ भनेर बोलाउने गरेका थियौं । तर उनीलाई ‘दानी’वा ग्रानीको रूपमा चिनिन्छ। गत शताब्दीको पहिलो क्वार्टरमा जन्मेकी हुन् मेरी हजुरआमा जुन न्यान्जा प्रान्तको विक्टोरिया तालको किनारमा छ । उनको औपचारिक शिक्षा थिएन र आफ्नो सांस्कृतिक हिसावले उनले एक धेरै जेठो मान्छेसँग विवाह गरेकी थिइन् ।
उनीले बाँकी जीवन अलेगोको सानो गाउँमा बिताएकी हुन् । जहाँ एउटा सानो घर माटो र खरानी इट्टाले बनेको थियो । जुन घरमा बिजुली वा इनडोर प्लम्बिंग थिएन । त्यहाँ उनले आठ जना बच्चाहरूलाई हुर्काइन्, उनीले बोका र कुखुराको पालनपोषण गर्थिन् । बालिनाली हुर्काउँथिन् र परिवारलाई स्थानीय उत्पादन खुवाएर बचेको बजारमा बेच्न लैजान्थिन् । जसवाट आएको पैसाले आफुलाई आवश्यक परेको सामान किनेर ल्याउने गर्थिन् ।
हजुरआमाले मेरा बुबालाई आफ्नै परिवारमा हुर्काउनु भएको हो । उनको प्रेम र प्रोत्साहनका कारण हामी धेरै कृतज्ञ छौं । वुवाले अमेरिकी विश्वविद्यालयमा छात्रवृत्ति पाउन र स्कूलमा राम्रो गर्न सकेका थिए।
जब म पहिलो पटक केन्या गएँ मेरो विरासत र बुबाको बारेमा जान्न । त्यती बेला मेरो बुवा वितिसकेको हुनुहुन्थ्यो । उनी ग्रानिली हुन् जसले विगतको पुलको रूपमा सेवा गरेकी थिइन् । उनको कथाहरूले मेरो हृदयमा शून्यता पूरा गर्न मद्दत गर्यो।
आफ्नो जीवनको दौडानमा ग्रानीले विश्वव्यापी रूपमा भइरहेका महाकाव्यहरू देखिन् । विश्व यु द्ध, मुक्ति आन्दोलन, चन्द्र अवतरण, र कम्प्युटर युगको आगमन सबै उनले देखिन् । उनी जेटहरूमा उडान गर्न बाँचिन, उनका एक जना नाति (बाराक ओबामा) संयुक्त राज्य अमेरिकाको राष्ट्रपतिमा चुनेको पनि देखिन् । तर पनि उनी कहिल्यै परिर्वन भइनन् । उनी संधै कडा परिश्रम गर्ने गर्थिन । हामीले पाएको पद र अवस्थावाट कहिल्यै प्रभावित भइनन् । उनीले सामान्य जीवन बाँचिन् । हामी उनलाई धेरै माया गर्नेछौं, तर कृतज्ञताका साथ उनको लामो र उल्लेखनीय जीवनको उत्सव मनाउँदछौं।
