बर्दिया । प्रकाश मल्ल बिगत ६ बर्षदेखि कुकुर र पशुपंक्षीहरुसँगै खान्छन्, सुत्छन् र उठ्छन् । वास्तवमा प्रकाश ६ बर्ष यता दुख र पिडामा रहेका र अप्ठेरोमा परेका कुकुर, गाईवस्तुहरुलाई रेस्क्यु गरिरहेका छन् । उनी अप्ठेरोमा परेका गाईवस्तु र कुकुरहरुको बारेमा जानकारी पाएसम्म देशका बिभिन्न ठाउँहरुमा पुग्छन् । यसै क्रममा उनी यहि कामका लागि थाईल्याण्ड पनि पुगिसकेका छन् । उनको भनाई छ, बरु मान्छे नभए यो सन्सार चल्छ तर पशुपंक्षी बिना यो सँसार चल्दैन । प्रकाश पहिले झगडालु स्वभावका, लागुपदार्थ सेवन गर्ने र कुलतमा फसेका थिए ।
६ बर्षअघि आफ्नो बैवाहिक सम्बन्ध बिग्रेपछि र श्रीमतीसँग डिभोर्स भएपछि प्रकाश डिप्रेशनमा पुगे । उनी कुलतमा पनि फसे । त्योसँगै आफ्नो घरमा आएको एउटा कुकुरले उनको जीवन परिवर्तन गरिदियो । जाडोमा काम्दै आएको कुकर पछि रहेन, उनी आफुले उक्त कुकरलाइृ बचाउन नसकेपछि अरु कुकुरको ज्यान बचाउन लागे । सम्पुर्ण पशु र पँक्षीका उत्पादनहरु त्यागे । अहिले प्रकाशको जीवन निकै फरक छ ।
