काठमाडौं। लायन्स क्लव अफ अव्वल भ्यालीका चार्टर प्रेसिडेन्ट अधिवक्ता राजुु खड्काले अटिजम कुनै किसिमको राेग नभई मानिसको विशेष किसिमको दिमागी अवस्था भएको बताउनु भएको छ ।
अप्रिल २ लाई सन्सारभर विश्व अटिजम दिवसका रूपमा मनाउने सन्दर्भमा साेहि अवसर पारेर लायन्स तथा लियो क्लव अफ अव्वल भ्यालीले सप्ताहव्यापी रूपमा कार्यक्रम बनाई अटिजम सम्वन्धमा जनचेतना फैलाउने अभिप्रायस्वरूप विभिन्न कार्यक्रम गर्ने क्रममा महाराजगन्जस्थित चिकित्साशास्त्र अध्ययन संस्थानमा आयाेजित एक विशेष कार्यक्रममा चार्टर प्रेसिडेन्ट खड्काले उक्त कुरा बताउनुभएको हाे ।
अटिजमका बारेमा आफ्ना धारणा राख्ने क्रममा उहाँले अटिजम कुनै राेग नभएको, बरू याे मानिसको दिमागकाे एउटा विशेष अवस्था भएको बताउनुभयो । याे मानिसको मस्तिष्क बिकासमा आएको असमानता भएको र यसका कारणले गर्दा बच्चाले दाेहाेराे संवाद गर्न नसक्ने, आफ्ना कुरा व्यक्त गर्न गाह्रो हुने, अरूका कुरा बुझेर आफ्नो व्यवहार परिवर्तन गर्न नसक्ने जस्ता सामाजिक र सञ्चारसम्वन्धि समस्या देखा पर्ने गर्छ ।
यसमा बालबालिकाहरू सामान्य बालबालिकासरह गतिविधि देखाउन असक्षम हुने र केही अस्वाभाविक गतिविधि देखाउने गर्छन् । यस्तो अवस्थामा बच्चाको उमेर अनुसार हुनुपर्ने व्यवहारिक विकास, सामाजिक विकास अनि एकार्कामा सञ्चार गर्ने क्षमताको विकास नहुने गर्दछ । अटिजमका विभिन्न चरणहरूका बारेमा व्याख्या गर्दै उहाँले याे समस्या प्रारम्भिक समयमा नदेखिने भएकोले पहिचान गर्न गाह्रो हुने हुंदा अटिजम ढिलो पत्ता लाग्ने र समाधानमा विभिन्न कठिनाइ आउने बताउनुभएको छ।
