६ बैशाख, हेटौंडा । जनसङ्ख्या तथा स्वास्थ्य मन्त्री विरोध खतिवडाले हेटौंडामा ज्येष्ठ नागरिक अस्पताल स्थापना गरिने बताउनु भएको छ ।
नेकपा (एकीकृत समाजजादी) मकवानपुरको हेटौंडामा सोमबार बसेको बैठकमा उहाँले काठमाडौंमा सिभिल सर्भिस अस्पताल, चितवनमा शिक्षक अस्पताल भने जस्तै हेटौंडामा ज्येष्ठ नागरिक अस्पताल स्थापना गर्न सहमति लिएको जानकारी दिनुभयो । उहाँले आफ्नै पहलमा सहरी विकास मन्त्रालयमार्फत थाहा नगरपालिकालाई ५० करोड रुपैयाँ उपलब्ध हुने जनाउनुभयो ।
मन्त्री खतिवडाले पश्चिम मकवानपुरको मनहरीदेखि धादिङको महादेववेंसीसम्म जोड्ने सडकका लागि ९९ करोड रुपैयाँ राष्ट्रिय योजना आयोगमार्फत उपलब्ध हुने पनि उल्लेख गर्नुभयो ।
