२६ वैशाख, काठमाडौं । नेपाल कम्युनिष्ट पार्टी (बहुमत) नवौं महाधिवेशन आयोजक समितिले विशेष राष्ट्रिय भेलाले गरेका निर्णय सार्वजनिक गर्न आज पत्रकार सम्मेलनको आयोजना गरेको छ ।
यही वैशाख २१—२३ मा यो विशेष राष्ट्रिय भेला सम्पन्न भएको थियो । यसले बिभिन्न पक्षहरुलाई समेटेर बनाइएका धेरै प्रस्तावहरु पारित गरेको थियो । एमसीसी खारेज गर्नका लागि ऐब्यबद्धता जनाउने, सरकारले युक्रेनको पक्षमा अमेरिकाले गरेको सहयोगका लागि जनाएको समर्थन फिर्ता गर्न आव्हान गर्ने जस्ता महत्वपूर्ण बुँदाहरु उक्त प्रेस विज्ञप्तिमा समेटिएका थिए ।
संयोजक कञ्चनले छोटो मन्तव्य राख्दै पार्टीका धारणाहरुमा प्रकाश पारेका थिए । उनले चुनावमा भाग लिनु र पुरानै संसदीय सत्तामा विलय हुनु सबै कम्युनिष्ट पार्टीका क्रियाकलाप भइरहेको बताए । चुनाव वहिष्कार गर्नु वा यसमा भाग लिनु दुवै गलत भएको जनाउदै बीचको बाटो पार्टीले लिनुपर्ने उनले बताए । तत्कालिन महासचिव विप्लवले यो नीतिलाई उल्लंघन गरेका र केन्द्रिय समितिलाई आक्षेप लगाएका पनि उनले जनाए । उनले व्यवस्थापिका, कार्यपालिका, न्यायपालिका, कार्यकारी प्रमुख सबै निर्वाचित हुने व्यवस्था हुनुपर्नेमा जोड दिए ।
मन्तव्यपछि जिज्ञासु पत्रकारहरुलाई प्रश्न राख्न समय दिइएको थियो र जवाफ पनि संयोजक कञ्चनले नै दिएका थिए ।
