३ बैशाख,
एजेन्सी । हिँड्ने बानी स्वास्थ्यको लागि राम्रो हुने कुरा चिकित्सकहरुले सुझाव दिने गर्छन् । आफ्नो शरीरको क्षमता अनुसार खाना खाएपछि १० देखि ३० मिनेट हिँड्न सकिने अनुसन्धानले समेत बताएको छ । खाना खाएपछि हिँड्नुपर्ने केहि कारणहरु निम्न अनुसारका छन् ।
१) खाना खाएपछि हिँड्ने गर्दा पाचन राम्रो हुन्छ । यसका साथै पेप्टिक अल्सर, छाती पोल्ने, पेटमा ऐठन र कोलोरेक्टल क्यान्सरको खतरा पनि कम हुन्छ ।
२) खाना खाएपछि हिँड्दा रगतमा चिनीको मात्रा बढ्ने खतरा कम भई ब्लड सुगरमा पनि कमी आउँछ ।
४) खाना खाएपछि नियमित हिँड्ने गर्नाले तौल बढ्ने खतरा केही हदसम्म कम हुने बताइन्छ तर धेरै तेल र मसालायुक्त खानेकुरा खानु भने हुदैन ।
५) नेशनल इन्स्टिच्यूट अफ हेल्थका अनुसार १० मिनेट हिँड्दा बढेको रक्तचाप नियन्त्रणमा रहन्छ । खाना खाएर हिँड्दा तीब्र गतिमा भने हिँड्न नहुने विज्ञको भनाइ छ ।
