कर्णालीको हुम्ला जिल्लाको उत्तरी क्षेत्रमा गत सातादेखि परेको अविरल वर्षाका कारण शुक्रबारदेखि हिमपात भइरहेको छ ।
भारी हिमपातले पहाडी क्षेत्रमा कटनीका लागि तयार बाली नष्ट गरेको छ । नाम्खा–६ लिमीका वडाध्यक्ष पलजोर तामाङले अब आउने हिउँदमा खाद्यान्न अभाव हुने चिन्तामा रहेको बताए ।
चिसो मौसमले आफ्नो गाईवस्तुलाई चाराका लागि माथिल्लो क्षेत्रमा लिएर गएका गोठालाहरूलाई पनि असर गरेको छ । लाप्चा, न्यालु, ताक्ची, तुम्लिङ, लिमी लगायतका तिल, हलजी र जङ गाउँ हिउँले ढाकेका छन् ।
मानसरोवर कैलाश दर्शन गर्न टाक्चीबाट लाप्चा जाने पर्यटकको यात्रामा हिउँ परेको लिमीका स्थानीय ग्रिमेट तामाङले बताए । जिल्ला प्रहरी कार्यालय हुम्लाका अनुसार सार्केगाड गाउँपालिका–६ बाराईमा चिसोका कारण दुई दर्जनभन्दा बढी गाईवस्तु मरेका छन् ।
