सुजित बिडारी निर्देशित र लेखिएको चलचित्र ‘ऐना झ्यालको पुतली’ ओस्कार भनेर चिनिने एकेडेमी अफ मोसन पिक्चर आर्ट्स एन्ड साइन्सेजको ९५ औं संस्करणको लागि नेपालको प्रस्तुति हो ।
नेपालमा पछिल्ला केही महिनामा रिलिज भएका धेरै आर्ट फिल्ममध्ये यो फिल्म पनि एक हो । नेपालको अन्तर्राष्ट्रिय फिचर फिल्म छनोट समितिले प्रतिष्ठित प्रतियोगिताका लागि फिल्म निर्मातालाई आफ्ना फिल्म बुझाउन आग्रह गर्दा दिनेश राउतको ‘प्रकाश’, सुवर्ण थापाको ‘राधा’ र विडारीको ‘आइना झ्यालको पुतली’ मात्र तीनवटा सबमिशन आएको थियो ।
विमल पौडेलको अध्यक्षतामा गठित आठ सदस्यीय समितिले चलचित्रको प्राविधिक पक्ष, कथा प्रस्तुति, पात्रको भावनात्मक विश्लेषण र प्रस्तुतिको कलात्मकतालाई ध्यानमा राखी समीक्षकले प्रशंसा गरेको चलचित्र सिफारिस गर्ने निर्णय गरेको हो । समितिका सचिवले जारी गरेको विज्ञप्तिमा भनिएको छ ।
यदि चलचित्र छनोट भएमा ‘उत्कृष्ट अन्तर्राष्ट्रिय फिचर फिल्म’का लागि प्रतिस्पर्धा हुनेछ र यस विधामा प्रतिस्पर्धा गर्ने उत्कृष्ट पाँच चलचित्रको आधिकारिक घोषणा अर्को वर्ष जनवरीमा हुनेछ।
आगामी ओस्कार अवार्डहरू मार्च १२, २०२३ मा लस एन्जलसको डल्बी थिएटरमा आयोजना हुनेछन्।
