भन्सार कार्यालयका अनुसार निकासीमा भटमास तेल शीर्ष स्थानमा छ । भारतमा रु १७ अर्ब २० करोडको ७५,९०० टनभन्दा बढी प्रशोधित भटमास तेल र १३ अर्ब ४ करोडको ७० हजार ६ सय टन पाम आयल निर्यात भएको छ ।
त्यसैगरी १ अर्ब ५८ करोड रुपैयाँको ७,९५३ टन सूर्यमुखी तेल निर्यात भएको छ । नेपाली व्यापारीले विभिन्न देशबाट कच्चा पाम, भटमास र सूर्यमुखी तेल आयात गर्दै आएका छन् । नेपालले एक थोपा पाम तेल उत्पादन गर्दैन र सोयाबिन र सूर्यमुखीको उत्पादन नगण्य छ।
कच्चा पाम र भटमासको आयात झण्डै १०० अर्ब पुगेको एक वर्षमा खाद्य तेलको आयात ८२ अर्ब ९० करोड रुपैयाँबाट बढेर १२० अर्ब ४६ करोड पुगेको छ ।
भारतले भन्सारमुक्त कोटा प्रणालीअन्तर्गत आयात–निर्यात गर्न दिने नेपालको व्यापार नीतिप्रति चिन्ता व्यक्त गर्दै आएको छ ।
शून्य महसुल सुविधासहित कच्चा तेल आयात गरी शून्य ट्राफिक सुविधामा भारतमा पुनः निकासी गर्दा नेपाली व्यापारीले अन्य नाफा बाहेक ४५ प्रतिशत खुद नाफा लिन सक्ने व्यापार विज्ञहरू बताउँछन् ।
