काठमाडौँ – जनता समाजवादी पार्टी (जसपा) नेपाल र राष्ट्रिय जनमुक्ति पार्टीबीच एकता वार्ता हुने भएको छ।
जसपाका कार्यकारिणी सदस्य राजेन्द्र श्रेष्ठ संयोजकत्वको कार्यदलले मङ्गलबार खड्क प्रसाद (केपी) पालुङ्वा नेतृत्वको जनमुक्ति पार्टीसँग एकता वार्ता गर्न लागेको हो।
वार्ता सानो भर्याङस्थित श्रेष्ठ निवासमा हुने बताइएको छ। जसपाले केही पहिले समान विचारधारा भएका दलहरुसँग वार्ताका लागि श्रेष्ठको संयोजकत्वमा वार्ता समिति गठन गरेको थियो।
