काठमाडौं । नेकपा (एमाले)का अध्यक्ष केपी शर्मा ओलीले जलनको घटनापछि पहिलोपटक संसद्मा पुगेका कांग्रेस सांसद चन्द्र भण्डारीलाई भेटेका छन् ।
बुधबार नीति तथा कार्यक्रममाथिको छलफलमा सहभागी भएपछि सभामुखको कार्यकक्षमा रहेका भण्डारीलाई ओलीले भेटेका हुन् ।
भेटमा सांसद भण्डारीले आफूलाई स्वास्थ्यलाभको कामना गरेकोप्रति आभार व्यक्त गरे ।
“मेरो बारेमा तपाईंले भन्नुभएको सुनेँ, गुल्मीमा पनि बोल्नुभएको सुनेँ । गुल्मीबाट पनि स्वास्थ्य लाभको कामना गर्नुभयो । थ्याङ्कयू सो मच,” भण्डारीले ओलीसँग भने ।
