रुकुमको नुवाकोटबाट दाङको तुलसीपुर आउँदै गरेको गाडी दुर्घटनामा परेको छ।
लु २ ख ५७३१ नम्बरको यात्रुबाहक गाडी सल्यानको कपुरकोट गाउँपालिका वडा नम्बर ३ आगरखोलामा दुर्घटनामा परेको हो।
सल्यानका प्रहरी प्रमुख, डिएसपी दामोदर केसीले सोमबार अपराह्न ३ बजेतिर सल्यानको कपुरकोट क्षेत्रमा गाडी दुर्घटनामा परेको बताए।
दुर्घटनास्थलमा प्रहरी र स्थानीय बासिन्दा पुगेका छन्। घाइतेको उद्धार जारी रहेको उनले बताए। घाइते १२ जनालाई कपुरकोट हुँदै दाङको तुलसीपुर ल्याइँदै छ भने अन्य दुई जना सामान्य घाइते छन्।
दुर्घटनाको विस्तृत विवरण आउन बाँकी छ।
