नेपाली राष्ट्रिय क्रिकेट टिमलाई शुभकामनाको ओइरो, राम्रो नतिजा निकाल्ने विश्वास

काठमाडौं । एसिया कप २०२३ खेल्न पाकिस्तानमा रहेको नेपाली राष्ट्रिय क्रिकेट टिमलाई शुभकामना दिनेको ओइरो लागेको छ ।

बुधबार नेपाल र पाकिस्तानको खेल सुरु हुनुअघि नेपाली राष्ट्रिय टिमलाई काठमाडौंका मेयरदेखि राष्ट्रपतिसम्मले सामाजिक सञ्जालमार्फत शुभकामना दिएका छन् ।

राष्ट्रपति रामचन्द्र पौडेलले नेपाली राष्ट्रिय क्रिकेट टिमले एसिया कप २०२३ को यात्रा आरम्भ गर्दै पाकिस्तानसँग पहिलो खेलमा सहभागी हुन लागेकोमा सफलताको शुभकामना दिएका हुन् ।

यस्तै, प्रधानमन्त्री पुष्पकमल दाहाल ‘प्रचण्ड’ले बुधबार बिहान पाकिस्तानमा रहेको नेपाली टिमसँग भर्चुअल बैठक गर्दै जितका लागि शुभकामना व्यक्त गरेका थिए ।

Share post:

Recent