काठमाडौं । थाइल्यान्डसँग ४६ रनको हार व्यहोरेसँगै नेपाली राष्ट्रिय महिला क्रिकेट टिम आईसीसी ट्वान्टी–२० विश्वकप एसिया क्षेत्र छनोटबाटै बाहिरिएको छ ।
मलेसियाको बांगीमा शुक्रबार बिहान सम्पन्न खेलमा थाइल्यान्डले प्रस्तुत गरेको १०६ रनको लक्ष्य पछ्याउने क्रममा नेपाल १९.३ ओभरमा ५९ रनमै समेटियो ।
थाइल्यान्डविरुद्ध नेपालका कुनै पनि ब्याटरले खुलेर खेल्न सकेनन् । कविता कुँवरले १७ रन जोड्दा कविता जोशी र अप्सरी बेगमले समान १० रन थपे । यसबाहेक, अन्य ब्याटरले दोहोरो अंकमा रन जोड्न सकेनन् ।
